ടോട്ടനമിന് കളിയില്‍ ഒരവസരവും നല്‍കാതിരുന്ന സിറ്റിയുടെ സ്‌കോറിങ്ങിന് തുടക്കമിട്ടത് 15-ാം മിനിറ്റില്‍ അഗ്യുറോയാണ്. പിന്നീട് യായാ ടൗറി, സെക്കോ, യൊവെറ്റിക്, കോപെനി എന്നിവരും ലക്ഷ്യം കണ്ടു. കപോയുടെ വകയായിരുന്നു ടോട്ടനമിന്റെ ആശ്വാസഗോള്‍ . ടോട്ടനമിന് 43 പോയിന്റാണുള്ളത്.
മറ്റു മത്സരങ്ങളില്‍ ആസ്റ്റന്‍ വില്ല വെസ്റ്റ് ബ്രോംവിച്ചിനെ മൂന്നിനെതിരെ നാലു ഗോളിനും സണ്ടര്‍ലന്‍ഡ് സ്‌റ്റോക്ക് സിറ്റിയെ ഏകപക്ഷീയമായ ഒരു ഗോളിനും തോല്‍പിച്ചു. ഈ ജയത്തോടെ വില്ല 27 പോയിന്റുമായി ഒരു സ്ഥാനം മുകളില്‍ കയറി പത്താം സ്ഥാനത്തെത്തി. സണ്ടര്‍ലന്‍ഡ് 21 പോയിന്റുമായി പതിനേഴാം സ്ഥാനത്തുമെത്തി.
വില്ലയ്ക്കുംവേണ്ടി വെയ്മാന്‍ , ബകുന, ഡെല്‍ഫ്, ബെറ്റെകെ എന്നിവരും വെസ്റ്റ്‌ബ്രോംവിച്ചിനുവേണ്ടി ബ്രണ്ടും മുലുംബുവും ലക്ഷ്യം കണ്ടു. ഒരു ഗോള്‍ ഡെല്‍ഫിന്റെ സെല്‍ഫ് ഗോളാണ്. പതിനേഴാം മിനിറ്റില്‍ ജോണ്‍സണ്‍ നേടിയ ഗോളിനാണ സണ്ടര്‍ലന്‍ഡ് സ്‌റ്റോക്ക് സിറ്റിയെ വീഴ്ത്തിയത്.
0 Comment to "ടോട്ടനമിനെ തകര്‍ത്ത് സിറ്റി മുന്നില്‍ , ചെല്‍സിക്ക് സമനില"
Post a Comment